Popular Bible Verses from KOLOSÉ 3

Share

Ngéngga koé nai agu ampong koé cama taus, émé hiat cengata ngetek ata banay; cama ného Mori poli ampong méun, pandé nenggitu kolé méu.

Nuk ga cao-ca situt éta Surga, toé so’ot oné lino.

Apa kaut pandé de méu, pandé ga mai wa mai nain, cama ného latang te Morin agu toé latang te manusia.

Landing hitu, ai méu ata poli pilé le Mori Keraéng te ciri nggeluk agu momang Liha, méu weli ga paka: lembak nai, gawas, kasi-asi nai, hemu-hel, agu ngéngga nai.

Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk. Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

Bétan mai sanggéd taung situ: méu paka momang tau, ai momang tau hitu ata pandé neki-ca agu pandé besik asé-ka'é ca imbi.

Landing hitu, émé méu poli to’o kolém cama agu hi Kristus, kawé koém cao-ca situt éta Surga, nia mangan hi Kristus, ata lonto oné racap wanang de Mori Keraéngy.

Poro hambor-libur di Kristus manga tédéng oné nai de méuy, ai latang te hitu muing méu poli béntas oné ca weki. Agu wali di’am ga.

Landing hitu pandé matas sangged belek de lino ata pande rowak wekis, neho: nelung, rinek, todong, motor agu ngomper ata cama agu io pina-naéng.

Ai méu poli matas agu mosé de méu ceha cama-cama agu hi Kristus oné Mori Keraéng.

Maik te ho’on, oké taung situ ga, neho: rabo, ngger ného acu, pandé da’at, nggecer-nggewuk, pocu agu curup da’at ata pé’ang oné-mai mu’u de méu.

Néka manga kolé méu adong taus, ai méu poli loak manusia mangas agu gaukn. Meu poli paké manusia weru hitut nukung pandé werun lorong gambar de Mori Dédék, kudut pecing tu'ung Mori Keraéng.

Oé méut ngasang rona, momang koé winas agu néka sehak agu hia.

Oé anak-anak, lorong koé ata tu’as oné sanggéd cao-ca, ai hitu ata henan oné Morin.

Oé méut ngasang wina, lorong koé ronas, ai meu imbi Mori Yesus.