Popular Bible Verses from Songs 3

Share

Eh! You Da One In Charge! You, jalike one shield aroun me, Dat no let me get hurt. You da one dat make me come awesome You put me back on top my throne.

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.) I wen lay down an go sleep, An nex morning I wake up, Cuz Da One In Charge, He take kea me.

Eh! You Da One In Charge! You da One Dat get me outa trouble. I like you do good tings Fo all yoa peopo! (Time out fo da music.)

No matta get ten tousan army guys Dat come agains me from all ova, I no sked.