Popular Bible Verses from Songs 2

Share

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king! Dey tell: “Eh! God wen tie up us guys Wit yoke straps, But we go broke um! He tie us wit ropes, But we get rid a dem!”

Az why, you odda king guys, wise up! You leada guys hea inside da world, Lissen wat God tell you fo do, An do um! Work fo Da One In Charge, Real serious kine! Stay sore inside, stay sked an shaking!