Popular Bible Verses from Songs 4

Share

I know fo shua I can lay down an go sleep, An eryting goin go good fo me. Az cuz you, Da One In Charge, you da ony one Dat make me live So dat notting bad goin happen to me.

So, good you guys stay sked an shaking, Cuz den you no goin do bad kine stuff. Go lay down on top yoa bed, An tink plenny bout all dis, An shut yoa mout. (Time out fo da music.)

Eh God! You da one dat tell, I no mo da blame fo wat I wen do! Wen I yell fo you help me, Lissen an do someting! Wen I presha out, Do good fo me an take away da presha! Show me how you give me chance, An lissen wen I pray!