Popular Bible Verses from Marcos 7

Share

Nunakunaqa shonqunchö mana allikunata yarparmi fornicación jutsata rurayan, suwakuyan, wanutsinakuyan, casakushqa këkar jukwanraq kakuyan, ambiciösu kayan, ulikuyan, ërayashqa kar penqakïpaq jutsata rurayan, envidianakuyan, manakaqta tumpanakuyan, yachaq tukuyan y llutankunata rurayan. Tsë llapan mana alli rurëkunam shonqunkunapita yarqamur nunataqa impüruyätsin>>.

Manam imatapis mikushqanpitatsu pipis impüru këkan, sinöqa shonqunchö mana allita yarpashqanpitam.

Jesúsnam nirqan: <<¡Alli tukuq nunakuna! Rasuntachi Isaías qamkunapaq kënö qellqarqan: << <Kë nunakunaqa shiminkunallawanmi respetamaq tukuyan. Shonqunkunachöqa manam yarpäyämanpistsu.

Nishqäta yachatsiyänanpa rantinmi nunakuna niyashqanllata yachatsikuyan. Tsëmi adorayämanqanpis sirwintsu>.

<<Isaías nishqannöllam Teyta Diospa mandamientunkunata cäsuyänëkipa rantin kikikikunapa costumbrikikunallata cumplikäyanki. [Tsëmi järrakunatapis täzakunatapis püru kayänanpaq paqayankiraq. Tsënöllam wakin costumbrikikunatapis rurëkäyanki]>>.