Popular Bible Verses from M.Had 7

Share

Ka kame fushinka, Gama wawa ne yake cike da fushi.

In kana jin daɗi, ka yi murna, In kuma wahala kake sha, ka tuna, Allah ne ya yi duka biyunsa, Don kada mutum ya san abin da zai faru a nan gaba.

Gara ƙarshen abu da farkonsa. Mai haƙuri kuma ya fi mai girmankai.

Ba wani mutum a duniyan nan wanda yake aikata abin da yake daidai dukan lokaci, ba tare da yin kuskure ba.

Hikima mafaka ce, takan kāre mutum kamar yadda kuɗi yake yi. Kiyayewar da hikima takan yi wa mai ita, ita ce amfanin ilimi.

Kyakkyawan suna ya fi man ƙanshi tsada, ranar mutuwa kuma ta fi ranar haihuwa.

Gara mutum ya ji tsautawar mai hikima, Da ya ji wawaye suna yabonsa.

Gara a tafi gidan da ake makoki Da a tafi gidan da ake biki, Gama wannan shi ne ƙarshen dukan mutane. Ya kamata duk mai rai ya riƙe wannan a zuciyarsa, Mutuwa tana jiran kowa.

Mai hikima yakan yi tunanin mutuwa, Amma wawa yakan yi tunanin shagalin duniya.