Popular Bible Verses from Isaia 54

Share

O ‘au‘upega uma e faia e tau ma oe e le manuia ia; o laulaufaiva uma e finau atu ‘iā te oe i le fa‘amasinoga ‘e te fa‘asalaina ia. O le tofi lenā o ‘au‘auna a le ALI‘I, o a latou amiotonu fo‘i mai ‘iā te a‘u lea, ‘ua fetalai mai ai le ALI‘I.

Auā e mavae atu ō atu mauga e lūlūina fo‘i mauga; a o lo‘u alofa e lē mavae atu lea nai ‘iā te oe, ma la‘u feagaiga e manuia ai e le lūlūina lea. ‘Ua fetalai mai ai le ALI‘I o lē alofa ‘iā te oe.

‘Aua ‘e te fefe, auā ‘e te lē mā; ‘aua fo‘i ‘e te māsiasi, auā e le fa‘amāina oe. auā e galo ‘iā te oe lou mā ‘ina o ē teine muli; ‘e te lē toe manatua fo‘i lou luma ‘ina o ē nofo fua.

Auā o lē na faia oe o lau tane lea, o le ALI‘I o ‘au o lona igoa lea. O lē na fa‘atauina oe, o le Pa‘ia o Isaraelu lea; e ta‘ua o ia, O le Atua o le lalolagi uma.

‘Ia fa‘alautele le mea e tu ai lou fale ‘ie; ‘ia fāloina ‘ie puipui o mea ‘e te nofo ai. ‘Aua ‘e te fa‘aitiitia; ‘ia fa‘aumiumiina au maea ma ‘ia malolosi au fao.

E a‘oa‘oina lau fānau uma lava e le ALI‘I; e tele fo‘i le manuia o lau fānau.

O le sasa‘aina atu o lo‘u ita, na ‘alo ai o‘u mata ‘iā te oe, ‘ua se ‘emo o le mata. A o le alofa e fa‘avavau ‘ou te alofa atu ai ‘iā te oe, ‘ua fetalai mai ai le ALI‘I, o lē na fa‘atauina oe.

‘Ua se ‘emo lava o le mata na ‘ou lafoa‘iina ai oe, a o le alofa tele lava ‘ou te fa‘apotopotoina mai ai oe.

Auā e pei o le lolo ‘iā Noa lenei mea ‘iā te a‘u; na ‘ou tautō ai a‘u e lē toe lofia le lalolagi i le lolo ‘iā Noa. E fa‘apea ‘ona ‘ou tautō, ‘ou te lē ita ‘iā te oe, ‘ou te lē a‘oa‘i atu fo‘i ‘iā te oe.

‘Ou te faia ou matagi‘olo i ma‘a mūmū, ma ou faitoto‘a i ma‘a tioata, ma ou tuā‘oi uma i ma‘a matagofie.