Popular Bible Verses from ROMA 3

Share

na ara ni enoni hato ka bani tasi, ma ka hagatê tenia God, na tahingata. Ma renia God ki mahata tangara na enoni, ma ki takuira, ngaia ki hagakorora tanga ngaia marena. Ngaia ki kato vikana renia o Kirisito Jesu, i rupasira.

God ki hagakorora na enoni tanga ngaia marena, renia ngaira ka tongesuria o Jesu Kirisito. God ki katora vikana na enoni hato, ga tongesuria o Kirisito, suria na ara ni enoni hato ka tagenata ma

God ki atea, hanana i bonotenigi na tasi iata na enoni renia na mera iana o Kirisito, manga vi ga tongesuria. God ki kato vikana, ki hagabângenia, hanana vi ngaia ki hagakorora na enoni tanga ngaia marena. I nago God ki piringiape, ma ki pe gagêmaga renigi na tasi iata na enoni. Ma i ngekê, na matena i ngekê, ngaia ki kahu gagêmaga renigi na tasi iata na enoni, i hagabângenia, vi ngaia ki hagakorora na enoni tanga ngaia marena. Igê na tarana ngekana God ki hagabângenia, vi ngaia ki oto, ma ki hagakorora tanga ngaia marena na ara ni enoni, ga tongesuria o Jesu.

Renia i asa hagetage ta na enoni, vi ge koro ma ke oto i maana God, suria vi ngaia ki tanugi na marâ, ga visigi na Ramata. Na Ramata ka hagagirarara ma na enoni, vi ngaira ka bani tasi.

Renia na Buka Apuna ki vi: “I mareha ngavê na ani gi tage ma na enoni, vi ge koro i maana God. I mareha ngavê na ani gi tage ma na enoni, vi ge girara maninga na ta ki koro, se vi ge garia God. Na ara ni enoni ka bani murisigea God; ngaira hato ka era. I mareha ngavê na hitangita, vi ge katogi na tarani ga koro.

Renia i manga ngekê, igia ka girara, vi God ki hagakorora na enoni tanga ngaia marena, suria ma ngaira ka tongesuri, ma ki mareha vi suria ngaira ka marupegi na Ramata iana o Moise.

I asa vê! God ki tamasi monari tare, henaka vi na enoni hato ka hagaparu. Renia na Buka Apuna ki vi: “Na ara ni matena go tamasi, na enoni hato ka girara bâkoro, vi igo ko tamasi oto. Ma na ara ni matena go gâga igê na tamasinga, igo ko tangatanga monari, vi igo ko oto.”