Popular Bible Verses from ROMA 2

Share

Ma igamu maremi, tamaku, kamu katogi nogami na tarani nga ngegana, mu surira na enoni getera renigi. Mu takusia vari, vi na suriha iana God ki page tihigamu? Se mu pe takotako bâkoro vari renia na korohana raha God, i hatara ma ki piringiape. I monari, igamu kamu girara, vi God ki koro, renia ngaia ki uhungia, vi katogamu, kamu urisi parongami.

Igamu, na tamaku, mu surira vari na enoni getera? Naka ma o ti igamu, manga mu surira na enoni, i asa iami, vi gamu tora pusigamu maremi. Renia na matena mu surira na enoni getera, ma igamu nogami kamu tanugi na marâ, ga tanugi ngegana, igamu kamu surigamu mu hagaitangigamu so maremi.

Renia na suriha iana God ki tagenana ma tangara na enoni hato.

Na enoni ka koro ma ka oto i maana God, mareha vi suria ga rongogi na Ramata iana o Moise, ma suria ga tanugi hete na marâ, na Ramata ga bonasira renigi.

Renia God ki page vatea na ara ni enoni na meni na tagaraha iana.

Ma tani na enoni ka takusira mareta ma, ma ka usitenigi na marâ, ga tuguhira, vi ga tanugi, suria ga obania viga katogi ma na tarani ga era. Tangara na ani nga ngegana God ki page mangariaga bâraha, ma ki page hagaitangira ngavê.

Ma igamu kamu guguruga ma kamu togeaga. Tahema igamu kamu hagaraha tangagamu maremi na hagaitangiha igê na Tangiana, God ki page hagabângenigi igê na mangariaganiha renigi na tasi iata na enoni ma na suriha oto iana.