Popular Bible Verses from ISAIA 40

Share

Ngaia ki hagaramonira hete na ani, ga marumarusiga ma ka mameaga.

Naka ma na ani na gapu haoru, ngaira nogata ka girara ga marumarusiga ma ka bagameme. Ma na ani, ga hagêguri togo renia na Araha ma ka avarasia, ngaira ka page ramoramo aporo. Ngaira ka ama ni gagêmaga nga, mangara na ahetaronga ga aheahe. Ngaira ka tangotango, ma ki asa vige mangumangusiga. Ngaira ka arârâ, ma ki asa vige beto.

Mu pe girara vari? Mu pe rongo vari? Na Araha ngaia ki na God, i gâga tare nga, ki bê ki arâ. Ngaia ki hagavora na maveta hagenani. I asa iana, vige me na apena, se vige marumarusiga. Mareha ta na enoni, vige aitangisigi na mangatana.

Ta na ngerengereha, i vi: “Rikia na tara igê na masusu tanga na Araha! Hagarêa na tara igê na bagamanihê raha tanga God iaka.

Ua, na go ka marama ma na takani na mahe ka maugu. Nga noga ma na tamasinga iana na Araha ki asa hagetage, vige page hato.”

Na Araha ki page vora me igê na bâbâhana ma na raramohana raha. Na enoni hato i maveta ka page bâsia. Ngaia marena na Araha kani visia.”

Ahunigi na ara ni maruguni hato. Hagahataragi na ara ni hungani ma na barani. Na hungani ka page benaga. Na tara sutasutaga ka page manamanaga.

Ngaia ki page marupera na kariana, manga na mane i marupera na sipi iana. Ngaia ki page rurura haku me na kareta na sipi, ma ki page topera i rimana, ma ki page hagaotora maninga kenata.

Mu bâ kê i vavearo! Ti ki hagavoragi na higu mu bâsigi? Na ani, i hagaotogi manga na maneraha ni me, ngaia nga ki girara, vi gi hita kani ngaigi, ma ki girara na atana na ara ni hitangini. Na raramohana ki raha teha! Ngaia ki unigi, ma ki asa vige bâ tihia tani.

Na ani, i oga igê na atohana, teharirerua na vavearo ma na ano, ngaia nga ka na ani i hagavora na maveta. Na enoni i ano ka tarotaromega mangara na sisi. Ngaia ki gasia na vavearo manga na gahu, manga na ruma na gahu ga âga igê.

Haganaku parongata aporo na ai ni Jerusaleme. Hagarongora, vi na mamasiaganiha iata ki hato, ma na tasi iata inê kê bani bonotenigi. Na ara ni hagaitangiha ki hato, suria ngaira ka kasi meni renigi na tasi iata hatohato.

Ta na ngerengereha, i vi: “Tarohenia na taroha!” Inê kê hagate, kê vi: “Na taroha ta?” “Gu tarohenia, vi na enoni hatohato ga mangagi na go. Na bâkorohata ka mangagi na takani na mahe, ka maugu rêrê. Na go ka marama, ma na takani na mahe ka maugu, matena na Araha ki raravaigi. I monari, na enoni ka mangagi na go.

Bâ, na Araha God ki râ me noga. Ngaia ki hahaneaga ma ki raramohaga teha ngavê. Ngaia ki torera me na enoni, i bani hagatahira tenia i Babilonia.

God ki vi: “Kanukanura na kariaku! Kanukanura!

Ti ki girara i apea na asi hagenani i na ababa ni rimana? Ti ki girara i kikihua na vavearo? Ti ki girara i naka na maveta hagenani i rarona na kâkâ? Ti ki giraragi na higahigani na barani ma na hungani? Ti ki girara i hagaotoa na Araha? Ti ki girara i hagesuria se ramatenia na Araha? Ti ki girara i hagamaraka obana na Araha? Ti ki girara i hagesuria renigi na tarani ga oto? Ti ki girara i vatea renia na giraraha? Ti ki hagagirara renia na takoha mataha?