Popular Bible Verses from ISAIA 41

Share

Siana kamu magu! Inê kê ngahisigamu. Inê nga ki na God iami. Siana kamu magutenia ta na marâ. Inê be hagaramonigamu ma be tamanigamu. Inê be anumasigamu ma be hagatahigamu.

Inê nga ki na Araha God iami. Inê kê hagaramonigamu, ma kê vi, ‘Siana kamu magu! Inê be tamanigamu.’”

“Bâ, na ani ga mangariaga tangagamu inê be teharira ma be hagamakira. Na ani, ga megamu heariha, ka page meme

Inê kê bani toregamu tenigi na agua hagatê era i maveta. Inê kê bani unigamu me tenigi na hinua hagatê ngavê i maveta. Inê kê visigamu, vi igamu nga ka na kariaku. Inê kê pe bani kitenigamu, ma kê ategamu hete.

ma ka page magahuru tenia na maveta. Naka ma mu garira, ki asa, vigamu page tarahura.

Na Araha ki vi: “Igamu na Isiraelita, naka ma mu pe rako ma kamu pe ramo manga na ngêngêrio, siana kamu magu! Inê kê tamanigamu. Inê, God Apuna i Isiraele, inê nga kani gê hagatahigamu.

“Ma igamu na Isiraelita na kariaku, igamu nga ka na ani gê bani ategamu tangê mareku, igamu na raraha iana o Abaramo, na kariaku koro.

Inê be nakagi na ve, ke gogo igê na barani ma na hungani, ma na ve banga ke pusu igê na maruguni. Inê be katoa na masusu avagavaga ke ranoranoga, ma igê na mako bêratega ke vora me igê na ve banga.

“Matena na kariaku, ga matareha ma ki bara tangara, ka mamata na riota ma ka pe tarahua na ve, inê na Araha be aganarigi na avarasiha iata. Inê na God i Isiraele ki asa, ve page panira.

Ti ki katoa, ki vora me na tarana ngekê? Ti kani bani nakagi me vigana tenia na haganegahana tanga i ngekê? Inê nga na Araha, kê bani oga me igê na haganegahana. Inê nga na Araha, kê page gâga mênga i murina na hagahatungina.

Igê na bagamanihê raha inê be hagavakarigi igê na apinige, na ani raha, na ani sisite, ma na apinige ni ngêra. Igê na bena mamao inê be hagavakarigi igê na ani ma vê na apinige, ka voravora re na vapuni. Na enoni ka page rigia na tarana ngekê, ma ka page girara, vi inê nga na Araha kani gê kato vikana. Ngaira ka page tahetara reniê, vi inê nga God Apuna i Isiraele kani gê katogi ngegana.”