Popular Bible Verses from BUKA NI TAKOHA 8

Share

Tahema inê kê takusia vi na enoni ki ararira viga vagevagesia na ogaha iata. I ararira, viga ngêngê ka totono ma ka vagevagesia na ogaha iata. Ngaia ma ngekana ka na vagevageha ga nahunia, matena ga tagara bâraha suria na kere ogaha abubu iata, God i naka tangara.

Na manero ki tahitahi, henaka i bani katogi na tangarê na bagatauhana ga erataga ngavê. Ua, inê kê bani girara ga vivi: Manga vigo têtê viteana God, na ara ni marâ hato ka page tavoraha maninga tangago

Na ara ni marâ ka nahunigi na mateni tange ma manga i he ka katogi. Ma igia, na giraraha iaka ki sisite ngavê!

I asa ta na enoni ge girara vige herepusia na roga. I asa ta na enoni vige gurua akê na tangiana iana i page meme igê. Na hearihatana ngekê ki asa iaka vige gavatenia. Henaka go uhungia ko totora pusigo maremu, i asa vigu page tahi.

Tanu hega na enoni ka agana ka oga sutaga? Suria na hagaitangiha ki hagarihu vige tarahura.

Na tamasinga vikana ki bekabekaga ngavê. Bâ, ta na matena na hagaitangiha ki tarahura na enoni koro parera na manero, ma na manero ka torea na vuriha parera na enoni koro. Be vi tangagamu nikâ: I oga hagâbo ma.

I asa ta na hitangika ge girara vi na ta kani page akê me ma ki asa ta na enoni vige hagarongogia renia.