Popular Bible Verses from BUKA NI TAKOHA 9

Share

Go tagara bâraha tare, naka ma na ta, suria igo ko togo tanga na agua iata na enoni ga bani me. Ma i ngekana igo ki asa vigu tagara, se vigu takotako, se vigu girara ta na marâ, se vigu tako mataha.

Ma ta na marâ nikâ inê kê bâsia i maveta ikê. Na ani i tangotango rêrê ngavê, ki mareha vige tehateha tare, ma na mane ni me ramo ngavê ki mareha vige tehateha tare igê na hearihatana. Na enoni ni takoha mataha ki pe akê me tare tangara, hanana vige nahunigi na ngêra ge ararira, se na enoni ni aitangisiha vige ruruguha, se vige vatera na enoni na tagaraha ga manisingenigi. I tâ ma igê vi hagagara koro se mareha.

Go vagevagesia na ogaha iamu henia na gete go takuia, suria na ogaha hagâbo iamu, God i bani haganahunigo renia i maveta ikê, ngaia getea ma ka na mena na tagaraha bâraha hato iamu.

Tahema, go ngêngê ma ko vagevage, ko totono na vaini ma ko obâbakoro. God ki obania nga vikana.

Na takoha mataha ki hagarakonigi na marâ koro teharigi na tangaruha, ma na tasi gi tage ki girara i erasigi rako na marâ koro.

Na karingagiana na tamasinga manâhi iana na mane ni takoha mataha ki teharia na karingagiana na ngerengereha iana na maneraha i merahekarigi na mane ni hagaotonga iana ga bonobonoga.

Bâ, na enoni ga tahitahi mêngara ka girara, vi ngaira ka page meme, ma na ani ga bani me ka pe girara rârâ ta na marâ. Ngaira ki mareha rârâ ta na marâ hanana vige naasia. I asa ta na enoni vige takusira.