Popular Bible Verses from BUKA NI TAKOHA 7

Share

Go bâbâ hagenago. Na enoni ga bonobonoga ka bagamangamangariaga tare.

Matena na ara ni marâ ka tavoraha maninga tangago, gu vagevage nga. Ma na matena ga tarahugo na mamasiaganiha, gu takusia hete, vi God kani kasirerua me na vagevageha ma na mamasiaganiha. Na enoni ki asa ge girara, vi na ta ki page akê me i hemuri.

Na karingaha ki koro teharia ga tamasi. Na piringiapeha ki koro teharia na bagamangamangariaganiha.

I mareha rârâ ta na enoni i maveta hagenani, vige korokoro tare ma ke pe tasitasi rârâ.

Na takoha mataha ma na ruruguha karu tagenaterua garu katogo ko apeape tatara. Ma na giraraha ki vatego ta na marâ râ nikâ. Ki manga ikê: Na takoha mataha ki tamanigo maninga igê na ogaha iamu.

Manga vi na atamu ma ki rongo raha, suria vi igo ki koro na parongamu, ngaia ki teharia na bâkorohana na apena na enoni. Ma na tangiana go meme igê ngaia ki koro teharia na tangiana go vora me igê.

Na ramoniha iata na enoni ni takoha mataha ki koro tangago teharigi na hagarahasiana iata na enoni bonobonoga.

Manga go arâ igê na bagiha ni nuni, ngaia ki koro teharia go arâ igê na magotoha, suria igia hato ki ararigia, viga takusia tare, vi na mera ki naasigia igia hato.

Na enoni ni takoha mataha ki takotako renia na mera, ma na enoni i bonobonoga ki takotako tare ma renigi na magotoha.