Popular Bible Verses from Éxodo 9

Share

Iro cantaincha noshinetaquempi panee, pineantearori notasorenca aisati iriotantenari savicajeitatsiri maaroni quipatsipeequi.

Ari icantajiri aisati Tasorentsi Moiseshi: —Pijatashitajanteri aisati pincatsari, pincantapaajeri: ‘Aitaque icantiri Tasorentsisanori, yora ipincatsajeitiri noshanincapee: Pishinejeitajeri noshanincapee irijajeitajeta anta caaraiteriqui impincatsajeitantapaajenari.

Ariorica nonintaqueme, nonijayempirome notasorenca nontiaquempirome aparoni oashinoncantsi, noasanquetayempime avirori aisati pishanincapee. Aitaque nompoyereajeitaquempime maaroni.

Eirorica pishinejeitajiritsi, irosatirica pintsaneajeiteari, irosati nontiancantajempiro pashini oashinoncantsi incamaarantayetanaque pivirapee: piyavayotepee, paashinotepee, piyameyotepee, pivacatepee jeri povishatepee. Irintiquea irashipee ishanincapeeni Israel, nonashitacaajeiteari; tecatsi catsini aparoni camayetatsine.’

Meecaquea osaitequerani onquempetamanempa, nontianquempiro antearoinapee iriniqui, caari piquemacotapiniti peerani quempetearone pariatsineri. Ocameetsati pincantajeiteri amenajeitimpiriri pivacatepee iroiminqueajeitempirita, piquempoyeapinijeitantaririqui. Ariorica ompariaque iriniqui, oajeitapaaqueri atiripee aisati ivirapee caari quempoyeajeitacha ivancopeequi.’

Osamampojencaiteanaquerota maaroni Egiptoni, irosati ompeantanaquea sompotsijenca oantachari. Ontsoncajeitapeerita maaroni savicajeitatsiri jeri iriori ivirapee timaarantayetanajantsiri. Ari yaavanejeitanaque samampo irosati ijatashitantajari pincatsari. Ari yojocavanetimotapaaqueri jenoqui. Irosati opeantanaca sompotsijenca, otsoncajeitapaaqueri maaroni atiripee jeri iriori ivirapee.