Popular Bible Verses from Éxodo 10

Share

Ari icantajiri aisati Tasorentsi Moiseshi: —Pijatashitajeri aisati pincatsari. Tempa narotaque cantacaashireacaacariri aisati amitacoyetiriri inquisoshiretasanotanteari, nonijaasanojeitanteariri antearoite caari ineapinijeiti ora nanteri, pincamantajeitanteariri coajicani pitomipee aisati picharinepee, noshirontimentajeitacari egiptosatipee aisati nonijaasanojeitaqueri caari ineapinijeiti. Irotaque piojeitantenari narotaque Tasorentsisanori.

Ari icantajiri aisati Tasorentsi Moiseshi: —Poancajero paco jenoqui, ontsitenitanaqueta maaroni Egipto. Ora tsiteniri tsimoirotasanotatsiri imayeetiri impamiyeetero. Irosati yoancantanajaro, irosati omapocantanaca antearoite otsitenitasanotanaque maaroni Egiptoqui. Ocarati mava quitaiteri te irimajeitanajeaji irineavacaajeitanajea. Icantani isavicajeitaque ivancopeequi. Aintiquea isavicajeitinta ishanincajeitaniri Israel, te ontsiteniteji; irosati ocanta oquitaiteti.

Ari yoancanaquero iraco, irosati itiancantacaro Tasorentsi tampea oquenapaaque isoquijapiniti catsirincaiteri. Ocantani ojeoncapinitaque quitaiteriqui aisati tsiteniriqui. Ari oquitaiteamanaji, irosati amajeitantacari oshequi catsini tsinaropee. Itsoteajeitapaaquero maaroni Egiptoni. Peerani te intimeji, aisati eiro itimajitsi coajicani iquempetaca meeca yoshequiasanotaque catsini.