Popular Bible Verses from Éxodo 8

Share

Yora iotincaripee jeri sheripiaripee, icoajeivetanaja irishequiajeitantajearime shineequipee ishiacaaveementopeequi. Iro cantaincha te irimajeitajeroji. Aiquero yoshequiasanotanaitii catsini shineequipee, yashereajeitanaqueri atiripee aisati ivirapee. Irosati icantantajeitacari pincatsari: —Iriotaque Tasorentsi mataquerori oca. Iro cantaincha te inquemisanteriji icantavetacariri, aiquero iquisoshiretanajiri. Moncarataca icantaqueriri Tasorentsi Moiseshi: “Eiro iquemisantimpitsi.”

Irosati icantantajari Moiseshi: —Meeca pijatashitajanteri aisati pincatsari, pincantapaajeri: ‘Icantaji aisati Tasorentsi: Pishinejeitajenari noshanincapee irijajeitajeta anta caaraiteriqui, impincatsajeitantapaajenari.

Iro cantaincha yora pincatsari ineantajari itecatsitacojeitanaji, irosati iquisoshiretantanaja aisati. Te incoanaje irishinejeitajeneri ishanincapee iraajeitanajeri. Aisati te inquemisanteroji icantavetapaajariri Moiseshi jeri Aarón. Moncarataca icantaqueriri Tasorentsi: “Eiro iquemisantimpitsi.”

Eirorica pishinejeitajiritsi, irosati noashinoncaimentasanojeitantempiri. Nontiancajeitempiri masheropee intsoteanaquero maaroni Egiptoni.

Ari icantajiri aisati Tasorentsi Moiseshi: —Pincantajeri Aarón irijicotero irinchaquiire impasatero quipatsi osamampojencatanaqueta, ompeantanaqueari shineequi, intsoteajeitantapemparori Egiptoni.

Aitaque icantaquerori Tasorentsi, itiancaqueri oshequi catsini shimpoquipee iquempevetapaacaro tsitenishaatsiri mencori. Iqueayetapaaquero maaroni pancotsipee aisati ivincatsarimentoqui pincatsari jero ivancopee iriori amitacoyetiriri. Itsoncajeitapaaquero maaroni quipatsi Egiptoni.