Popular Bible Verses from Éxodo 7

Share

Ari icantanajiri Tasorentsi Moiseshi: —Pamene, nocoacaaquempi pinquempetacantea narorica anta pincatsariqui. Irioquea pirenti quempetempine pineanate.

Iro cantaincha noncantacaashireacayempari inquisoshiretantanaqueari. Aisati nonijaajeiteri egiptosati oshequi caari ineapinijeiti, iroajeitanaquero cavaco nomayeteri. Yora pincatsari eiro iquemisantavaquempitsi. Iro cantaincha nonijaasanoteri notasorenca Egiptoqui. Noasanquetaasanojeiteri, irosati noimisoquijajeitantajeariri ishanincapee Israel, tempa iriojeitaque noshanincapee

Ariorica irineajeitaquero ora nonijaajeiteriri aisati ariorica paajeitanajeri pishanincapee, impoiji iriojeitanaque narotaque Tasorentsisanori.

Irosati icajemacantajeitantanacari pincatsari iotincaripee jeri sheripiaripee iotashiyetarori paitapeerica. Aisati iquempejeivetapaacaro iriori. Aparopeeni yojocajeitapaaquero irinchaquiire quipatsiqui, opeajeitanaca iroori maranque. Iro cantaincha yora irashi Aarón iniitajeitavaqueri irashipee iriori.

Irotaque icantantacari Tasorentsi: Meeca piotasanotantenari narotaque Tasorentsisanori. Nompasaajatantaquearorica ninchaquiirequi nija, irosati ompeantanaquea irajantsi.

Ari icantajiri aisati Tasorentsi Moiseshi jeri Aarón: —Ariorica incantavaquempi pincatsari: ‘Jentsite, ponijayenaro caari noneapiniti, queariorica itiancaquempi Tasorentsi’, irosati pincantantaqueari Aarón irojoquimoteri irinchaquiire quipatsiqui, irineavaquerota ompeanaquea maranque. Irosati ijatashitantajari ineajeitapaaqueri icarajeitiri amitacoyetiriri. Ari yojoquimotaqueri Aarón irinchaquiire quipatsiqui, irosati opeantanaca maranque. Imoncarataquero icantaqueriri Tasorentsi.