Popular Bible Verses from Spricha 3

Share

Velot die opp däm HARN met dien gaunzet Hoat, un velot die nich opp dien ieejnet Vestaunt. Denkj aun am en aules waut du deist, un hee woat die dän rajchten Wajch wiesen.

Hool die nich selfst fa weis; fercht däm HARN, un bliew wajch von waut schlajcht es.

Iea däm HARN met waut du hast, un opfa am daut ieeschte Poat von aul diene Ennom. Dan woaren diene Spikjasch voll woaren, un diene Wien Krucken woaren äwaranen.

Lot truhoatje Leew un Woarheit nich von die gonen; henj die dee om daut Jenekj un hool dee em Hoat aus wan dee doljeschräwen sent.

Mien Kjint, veacht daut nich wan de HAR die belieet, un sie nich ojjeduldich wan hee die vemont; wäm de HAR goot es, däm belieet hee, soo aus een Voda sien Kjint deit, to däm hee sikj freit.

Mien Kjint, vejat mien Jesaz nich, un hool miene Jebooten met dien gaunzet Hoat; dee woaren die een langet Läwen un väl Joaren un Fräd un Jlekj brinjen.

Woo jesäajent es doch een Mensch dee Weisheit finjt, un een Mensch dee vestendich woat. Weisheit es am mea wieet aus Selwa, un de Jewenst doaderch mea wieet aus Golt. Weisheit es mea wieet aus Parlen, un es nich to vejlikjen met waut du die wenschen machst.

Hool nich goodet trigj von däm, däm daut traft, wan daut en diene Krauft steit goodet to doonen.

Derch Weisheit läd de HAR dän Grunt fa de Ieed, hee vestunt de Himmel aum Plauz to stalen.