Popular Bible Verses from Spricha 2

Share

De HAR jeft Weisheit; waut de HAR rät brinjt Erkjantnis un Vestentnis.

Mien Kjint, nemm miene Lia aun, un hool miene Jebooten aus eenen Schauz en die. Horch goot, no waut weis es, un bemieej die daut to vestonen. Wan du no Ensecht frajchst, un om Vestentnis bätst, wan du doano sieekjst aus no Selwa, un doano romforschst aus no eenen vestoaknen Schauz, dan woascht du lieren däm HARN to ferchten, un woascht Gotteserkjantnis finjen.

Hee jeft de Opprechtje woare Weisheit; hee es een Schilt fa dee, dee opprechtich waundlen. Hee woakt äwa dee, dee daut rajchte doonen, un helt dee secha, dee tru to am sent.

De Opprechtje woaren en daut Launt wonen, un de fromme woaren doabennen bliewen. Oba de gottloose woaren äa Launt velieren, un de hinjalestje woaren von doa utjerot woaren.

Weisheit bewoat von de Ehebräakjarin, un de framde Fru äa glautmuljet schmeichlen, eene dee äaren jugentlichen Kommarod velat, un äaren Bunt met Gott vejäten haft.