Popular Bible Verses from Spricha 12

Share

Wäa em Hoat beduat es, haft daut schwoa, oba wäa jetreest woat, freit sikj.

Wäa sikj wellich belieren lat, woat kluak woaren, wäa nich well Lia aunnämen, blift schoslich.

Onväasechtje Wieed spekjen aus een Schwieet, oba de Weise räden heelsome Wieed.

Een Schosel sitt siene Wäaj emma aus rajcht; wäa oba Rot aunnemt, dee es weis.

Een Schosel wiest sienen Oaja boolt, wäa oba Beleidjunk äwasitt, es kluak.

Eene goode Fru es eene Kroon fa äaren Maun, oba eene dee am schaund moakt, es soo aus vefulde Knoakes.

Faulsche Miela sent däm HARN jäajenaun; am jefaulen dee, dee tru haundlen.

De jerajchta wält siene Frind väasechtich, oba de ojjerajchte äa Wajch veleit eenem.

Opprechtje Leppen bestonen opp emma, oba eene faulsche Tung besteit nich lang.