Popular Bible Verses from Spricha 11

Share

Eene mildjäwaje Seel woat rikj woaren, un wäa aundre to drinkjen jeft, woat selfst to drinkjen kjrieen.

Eena jeft rikjlich un kjricht emma mea; een aundra jiezt, wua hee jäwen sull, un woat doch emma oama.

Wan Stolt kjemt, kjemt uk Schaund, oba met Deemoot kjemt uk Weisheit.

Wua nich Rot es, jeit een Volkj unja, oba wua väl Rotjäwa sent, jeit daut goot too.

De jerajchte sent soo aus läwenbrinjende Beem; wäa aundre halpen, dän rajchten Wajch to gonen, sent weis.

Een Pludasak kaun nich een Jeheemnis stell hoolen, oba wäa em Hoat tru es, woat daut fa sikj hoolen.

Metleet haben es uk goot fa eenem selfst, oba wäa sikj nich erboarmt, brinjt sikj selfst em Trubbel.

Wäa sikj opp sien Rikjtum velat, woat faulen aus een drieejet Blaut, oba de jerajchte woaren jalsta stonen aus eene jreene Plaunt.

Rikj sennen bewoat nich jäajen Gott siene Strof, jerajcht sennen rat vom Doot.

Wäa opprechtich es, woat opp dän rajchten Wajch bliewen. De hinjarigjsche komen om derch äa onopprechtjet Läwen.

Eene schmocke Fru, dee nich vestendich es, es soo aus een Schwien met eenen goldnen Rinkj en de Näs.

De HAR es veläajen met een vestaldet Jewicht, oba hee freit sikj to een vollet Jewicht.