Popular Bible Verses from Jesaja 44

Share

Soo aus ekj daut opp drieejet Launt räajnen lot, un lot Wota ranen, wua daut stoffich wia, soo woa ekj june Nokomen mienen Jeist jäwen un june Kjinja säajnen

De HAR, dee en Israel Kjennich es, un dee de Israeliten rat, de HAR, dee aules rejieet, sajcht: Ekj sie dee wäa noch emma jewast es, un opp emma sennen woat; buta mie es doa kjeen Gott.

Daut waut jie haben orrajcht jedonen, lot ekj veschwinjen aus eene Wolkj; june Sinden näm ekj wajch aus dän Deiw. Komt wada no mie, wiels ekj sie dee wäa junt rat.

Enjst junt nich, jie brucken nich angst haben. Jie weeten daut ekj noch emma em verut jesajcht hab, waut doa komen saul; jie haben daut selfst jeseenen. Es irjentwua noch een Gott? Es doa wäa opp wäm jie junt werkjlich veloten kjennen; ekj weet von kjeenem.

Dit es waut de HAR sajcht, dee wäa, die jemoakt haft, wäa die dien Jeschekj jejäft haft, un die von gaunz kjlien biejestonen haft: Enjst junt nich, Israel, mien Kjnajcht, ekj hab mie die, mien Jerajchta, jewält.