Popular Bible Verses from Jesaja 45

Share

Ekj woa die vestoakne Sachen un oppjespikjaden Väarot jäwen, soo daut du weeten woascht, daut ekj de HAR sie, un daut de Gott en Israel die bie dien Nomen jeroopt haft.

Ekj woa ver die gonen un de Boaj utjlikjen, ekj woa bronsne Däaren en Stekja schlonen un Iesastangen tweibräakjen.

Ekj sie de HAR, un doa es kjeen aundra. Ekj woa die de Macht jäwen, waut die fälen woat, wan du uk nich weetst wäa ekj sie. Ekj doo dit soo daut Menschen von wiet em Oosten bat em Wasten weeten woaren, daut doa sest kjeena es. Ekj sie de HAR, un kjeen aundra.

Ekj moak daut Licht un moak diesta, ekj brinj Jlekj un Schoden; ekj de HAR doo aul dit.

Komt von aulawäajen oppe Welt no mie, dan woa jie jerat woaren; ekj sie Gott, un doa es kjeen aundra.

Dit es waut de HAR to Kierus sajcht, däm hee fa sikj enjesaulft haft un groote Krauft jejäft haft, daut hee Velkja rom sikj ennemt un Kjennichs de Kjleeda vom Liew ritt; daut hee Däaren opmoaken kaun, un kjeene Puaten too bliewen

Ekj sie nich HAR, wan dit nich aula soo es, waut ekj saj stalt Sachen trajcht, un mien Wuat blift stonen: Aule Menschen sellen sikj ver mie kjneeen, un jieda eena woat bekjanen wäa ekj sie.

Om mienen Kjnajcht Jakob sient haulwen, un om Israel, mienen jewälden sient haulwen, roop ekj die bie dienen Nomen un jäw die eenen grooten Nomen, uk wan du mie nich kjansd.