Popular Bible Verses from Dt 6

Share

“Taara li Qaawa' laaYos chi anchal laach'ool, chi anchal laawaanm ut chi anchal laametz'ew.

Ch'ik sa' xk'a'uxeb' laawalal aak'ajol, seeraq'i reheb' sa' laawochoch jo' ajwi' naq wanqat chiru aab'e, naq yokyooqat malaj naq tatwakliiq.

“Chiwanq sa' laach'ool junelik eb' li aatin a'in xinq'axtesi aawe anaqwan.

“Ab'i, Israel: li Qaawa', li qaYos, a'an jun ajwi' chi Qaawa'.

Taab'ak'eb' chawuq' jo' junaq eetalil ut letz chapeekem re naq jultikaq aawe.

Taatz'iib'aheb' sa'eb' li roqechal laawochoch jo' ajwi' sa' rokeb'aal li tenamit.

A' li Qaawa' laaYos taaxiwa ru, ut chiru A'an tatk'anjelaq. Ka'ajwi' sa' xk'ab'a' A'an taaye jurament.

“Naq akaq xatroksi li Qaawa' laaYos sa' li ch'och' kixyeechi'i reheb' laaxe'toonil yuwa', a' laj Abrahán, laj Isahak ut laj Jakob, misachk sa' aach'ool li Qaawa'. A'an tixk'e aawe xninqal ut xsahilal ru tenamit ink'a' k'ojob'anb'ileb' aab'aan; tixk'e xk'ihaleb' li ochoch nujenaqeb' chi b'ihomal li moko aasik'om ta laa'at, xiikileb' uub' ut oliiw li ink'a' aawawom. Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani. Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

B'aanuhomaq li tiikilal ut li us chiru li Qaawa' re naq sahaq sa' leech'ool ut toxeereechani li chaab'il ch'och' li kixyeechi'i li Qaawa' reheb' leena' leeyuwa'

xb'aan naq li Qaawa' laaYos, li wank aawik'in, a'an jun Yos aj sowen. Wi taab'aanu chi jo'kan, taachalq li xjosq'il li Qaawa' laaYos sa' aab'een ut tatxsach chi junajwa.

Maataaqe eb' li jalanil yos, eb' li xyoseb' li tenamit wankeb' chasutam

“Meeyal rix li Qaawa' leeYos jo' keb'aanu aran Masá.