Popular Bible Verses from Dt 7

Share

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

“Moko xb'aan ta naq numtajenaqex chiru chixjunileb' li tenamit naq koho ta xch'ool li Qaawa' cherix re xsik'b'al eeru (laa'ex jun ch'ina tenamit ink'a' k'ihex)

Q'axal osob'tesinb'ilaqat chiru chixjunileb' li tenamit. Maak'a'aq aawik'in teelom ut ixq li ink'a' ta te'alanq, chi moko sa' xyanqeb' laaketomq.