Popular Bible Verses from Dt 5

Share

«Chawoxloq'i laana' laayuwa' jo' chanru xatxchaq'rab'i wi' li Qaawa' laaYos, re naq najtaq roq laayu'am ut sahaq laach'ool sa' li na'ajej tixk'e aawe li Qaawa' laaYos.

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we; ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

«Maapech' chi moko taayiib' xjalam u junaq k'a' re ru li wank taqe'q sa' choxa, malaj li wank taq'a sa' ruuchich'och', chi moko li wank sa' ha' rub'el li ch'och'.

«Miwank jalan chik aayos chiwu laa'in.

«Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

«Chawoxloq'i li kutan sábado re taasantob'resi, jo' xatxchaq'rab'i wi' li Qaawa' laaYos.

Maarahi ru li rixaqil laawas aawiitz'in, chi moko chara ru li rochoch, li xch'och', li winq ut li ixq neke'k'anjelak chiru, li xb'ooyx malaj li xb'uur, chi moko li k'a'aq re ru wank re», chan li Qaawa'.

Matmuxuk sumlaak.

Matyoob'ank aatin chirix laawas aawiitz'in.

«Maa'ani aakamsi.

Mat-elq'ak.

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Wank waqib' kutan aawe re tatk'anjelaq ut taab'aanu chixjunil laak'anjel, ab'an li xwuq kutan a'an hilob'aal kutan sa' xk'ab'a' li Qaawa' laaYos. Maajun li k'anjel truuq taab'aanu: laa'at, laawalal, laarab'in, li winq ut li ixq neke'k'anjelak chawu, laab'ooyx, laab'uur malaj junaq reheb' laaketomq. Ink'a' ajwi' taak'anjelaq laj ab'l tenamit li wank sa' eeyanq. Chi jo'kan li winq ut li ixq aj k'anjel chawu truuq te'hilanq kama' laa'at.

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.