Popular Bible Verses from Kol 3

Share

Chekuyaq eerib' cherib'il eerib' ut, wi junaq wank k'aru tixjit wi' li jun chik, chek'am eerib' sa' usilal. Jo' naq kixkuy eemaak li Kriist, jo'kan ajwi' cheb'aanu laa'ex.

Xikaq eech'ool chirix li k'a' re ru wank taqe'q ut ink'a' chirix li k'a' re ru wank taq'a.

Jo'ch'inal jo'nimal li teeb'aanu, b'aanuhomaq chi anchal eech'ool, cho'q re li Qaawa' ut maawa' cho'q reheb' li winq

Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum.

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich; ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.

Ut sa' xb'een chixjunil a'in, tiqib'omaq eerib' rik'in li rahok, a'an li naxk'ul wi' rib' li tz'aqalil e u.

Jo'kan utan, wi waklijenaqex chi yo'yo eerochb'een li Kriist, sik'omaq li k'a' re ru wank taqe'q, b'arwi' k'ojk'o li Kriist sa' xnim uq' li Yos.

Li xtuqtuukil usilal li Kriist li kexb'oqe'k wi' sa' junaj chi tz'ejwalej, chitaqlanq taxaq sa' leech'ool; ut chexyoxinq.

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Xb'aan naq ak kamenaqex ut muqmu leeyu'am rochb'een li Kriist rik'in li Yos.

A'ut anaqwan kanab'omaq chirix leech'ool chixjunil a'in: li josq'il, li k'ahij ib', li maa'usilal, li majewank ut li yib' aj aatin!

Meetik'ti'i eerib' cherib'il eerib', xb'aan naq xerisi chik sa' leech'ool leenajteril yu'am jo'wi' li xk'anjel, ut xetiqib' eerib' rik'in li ak' yu'am: ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere.

Ex b'eelomej, chera leerixaqil ut meeyoob' xk'aheb'.

Ex alalb'ej, chex'ab'inq chiru leena' leeyuwa' rik'in chixjunil, xb'aan naq a'an li nawulak chiru li Qaawa'.

Ex ixaqilb'ej, chepaab' leeb'eelom jo' xk'ulub' sa' xk'ab'a' li Qaawa'.