Popular Bible Verses from Kol 2

Share

Jo'kan utan, kama' naq xek'ul chaq li Kristo Jesus, li Qaawa', chexwanq ajwi' anaqwan rik'in A'an: xe'eninb'ilaqex ut kab'lanb'ilaqex sa' xb'een, kaw xaqxooqex sa' li paab'aal jo' chanru tzolb'ilex wi', q'axal yooqex chi yoxink chiru li Yos.

Chek'e reetal, maa'ani chira'lenq eere rik'in b'alaq' aj na'leb' li maak'a' rajb'al, yal xyehomeb' li winq, ruuchich'och'il na'leb' ut maawa' li naraj li Kriist.

Junxil kamenaqex naq kexwank chaq xb'aan leemaak jo' ajwi' xb'aan naq maji' eerisihom chaq leetz'ajb'eetalil na'leb'. Ab'an li Yos kixk'e eeyu'am eerochb'een li Kriist, ut kixkuy kixsach chixjunil li qamaak. Kixkanab' chi maak'a' chik xwankil li xhuhil li chaq'rab' tz'iib'anb'il wi' li qajitb'al, ut kixsach reetalil naq kixt'oj chiru krus.

Xb'aan naq rik'in li Kriist wank xtz'aqlojik li Yosilal chi yaal, jo' ajwi' tz'aqal re ru leeyu'am sa' xk'ab'a' A'an li najolomink re chixjunileb' li musiq'ej li neke'taqlank ut wankeb' xwankil.

Jo'kan utan, maa'ani chiwech'oq eerix rik'in wa'ak uk'ak, chirix ninq'e, xyo'lajik li po malaj chirix li sábado. Chixjunil a'in a'an xmu li k'aru chaalel; ab'an li tz'aqal xyaalalil a'an li Kriist.