Popular Bible Verses from 2 Timoteo 2

Share

Ri'at lik chachuq'ub'ej awib' cha' lik jusuk' rab'inik asilab'ik chwach ri Dios y jela' at jun aj chak na jinta k'o katk'ix che, e xaqi katzijoj chi jusuk' ri Tzij re ri Q'ijsaq.

Timoteo, chatanimaj k'u chwach ronoje taq ri rayib'al re tzaqib'al ke ralab'o. Yey junam kuk' konoje ri kakiloq'nimaj rub'i' ri Qanimajawal Jesucristo ruk' ronoje kik'u'x, e chatijoj awib' che u'anik ri lik jusuk' chwach ri Dios, kub'ula ak'u'x ruk', chak'utu ri rutzil k'u'xaj y chatk'ola chi utzil chomal kuk' konoje.

Ma e juna aj chak re ri Qanimajawal Jesucristo chirajawaxik che na aj ta ch'a'oj, xaqi utz uk'u'x kuk' konoje, lik kak'utun chi utz y lik nim uk'u'x kuk' konoje.

We ri'oj na kakub'i' ta qak'u'x ruk'; na ruk' ta k'u ri', Rire lik e ku'an janipa ri ub'i'im kanoq, ma Rire na ku'an ta k'ana raq'ub'al.

Ruk' chomilaj ch'a'tem keb'uq'il taq ri kakiyak kib' chirij ri Q'ijsaq; ma k'axtaj ruk' wa', ri Dios kuya chike kakitzelej kitzij chwach y kaketa'maj ri Q'ijsaq

Ma'an awe'at kuk' ri kech'a't chwi taq ri na re ta ri Dios y na jinta uchak. Ma ri ke'anaw re wa', e ketajin che resaxik kib' chirij ri Dios.