Popular Bible Verses from 2 Timoteo 2

Share

Ri'at lic chachuk'ubej awib cha' lic jusuc' rabinic asilabic chwach ri Dios y jela' at jun aj chac na jinta c'o catq'uix che, e xaki catzijoj chi jusuc' ri Tzij re ri K'ijsak.

Timoteo, chatanimaj c'u chwach ronoje tak ri rayibal re tzakibal que ralabo. Yey junam cuc' conoje ri caquilok'nimaj rubi' ri Kanimajawal Jesucristo ruc' ronoje quic'u'x, e chatijoj awib che u'anic ri lic jusuc' chwach ri Dios, cubula ac'u'x ruc', chac'utu ri rutzil c'u'xaj y chatc'ola chi utzil chomal cuc' conoje.

Ma e juna aj chac re ri Kanimajawal Jesucristo chirajawaxic che na aj ta ch'a'oj, xaki utz uc'u'x cuc' conoje, lic cac'utun chi utz y lic nim uc'u'x cuc' conoje.

We ri'oj na cacubi' ta kac'u'x ruc'; na ruc' ta c'u ri', Rire lic e cu'an janipa ri ubi'im canok, ma Rire na cu'an ta c'ana rak'ubal.

Ruc' chomilaj ch'a'tem quebuk'il tak ri caquiyac quib chirij ri K'ijsak; ma c'axtaj ruc' wa', ri Dios cuya chique caquitzelej quitzij chwach y caqueta'maj ri K'ijsak

Ma'an awe'at cuc' ri quech'a't chwi tak ri na re ta ri Dios y na jinta uchac. Ma ri que'anaw re wa', e quetajin che resaxic quib chirij ri Dios.