Popular Bible Verses from 2 Timoteo 1

Share

Ma ri Dios na uya'om ta ri Ruxlabixel chike cha' coju'an oj turun; e uya'om chike cha' cac'oji' kachuk'ab, rutzil kac'u'x y sakil kana'oj.

E ri Dios xcoloben ke'oj y xojusiq'uij cha' cojc'oji' jusuc' chwach; yey wa' na e ta ruma ri ka'anom ri'oj, ma e ruma lic e xraj ri' Rire chike. Echiri' c'amaja' ne cu'an ruwachulew, uch'obom chic cuya ri unimal rutzil uc'u'x chike ruma ri Kanimajawal Jesucristo.

E uwari'che lic catimpixabaj puwi ri uya'om ri Dios chawe, wa' e ri xac'ulu echiri' xinya ri nuk'ab pawi' cha' catu'an at aj chac re ri Dios. Lic c'u chachuk'ubej awib che u'anic wa' ruc' ronoje ac'u'x.

E uwari'che, matq'uix che utzijoxic ri Utzilaj Tzij re ri Kanimajawal Jesucristo y matq'uix ne chwe ri'in ma in c'o pa cárcel ruma cantzijoj ri Utzilaj Tzij. Ec'u ri'at, e chacuyu tak ri c'axc'obic cape pakawi' ruma rutzijoxic wa', chach'ija c'u ronoje ruc' ruchuk'ab ri Dios.

E uwari'che ri'in cantij ronoje tak wa c'axc'obic in c'o wi y na quinq'uix ta c'u che, ma lic weta'am china ruc' cubul wi nuc'u'x, yey lic jiquil nuc'u'x che e Rire lic c'o uchuk'ab che uchajixic ri uya'om panuk'ab c'a che ruc'unibal ri Cristo.