Popular Bible Verses from 1 Juan 2

Share

Me'ec c'u'x alak ruc' ri c'o che ruwachulew ruc' tak ri xa re ruwachulew. Ma we c'o junok e que'ec uc'u'x ruc' tak wa', ri' na c'ax ta cuna' ri Kakaw. Ma e ronoje ri na utz taj c'o che ruwachulew, na ruc' ta ri Dios petinak wi, xa e re ruwachulew. Yey wa' e tak ri rayinic re ri kati'jil, ri rayinic re caka'an ke'oj che janipa ri cakilo y ri rayinic re yacbal kak'ij.

Ec'u ruwachulew xa caq'uisic junam ruc' ronoje ri rayinic na utz taj c'o chwach; no'j c'u ri ca'anaw janipa ri caraj ri Dios, ri' na jinta utakexic ruc'aslemal.

We c'o junok cubi'ij xa jun u'anom ruc' ri Dios, chirajawaxic c'u ri' chu'ana che rubinic jela' pacha' rubinic ri Kanimajawal Jesucristo.

Ralak alak walc'o'al chupa rubi' ri Dios, cantz'ibaj c'u pan wa' che alak cha' na camacun ta alak. Yey we c'o junok che alak camacunic, cheta'maj alak c'o Jun cach'aw pakawi' chwach ri Kakaw, wa' e ri Kanimajawal Jesucristo, yey Rire lic jusuc'.

We c'o cabi'n re: «Ri'in weta'am uwach ri Dios» yey na cu'an ta janipa ri takanic cuya ri Dios che, ri' xa aj rak'ul y na jinta ri K'ijsak ruc'.

We caka'an ri takanic cuya ri Dios chike, cak'alajin c'u ri' pakatzij wi keta'am uwach Rire.

We c'o junok cubi'ij c'o chupa ri K'ijsak yey tzel caril ri ratz-uchak', ri' c'a c'o pa k'eku'malil.

¿China tak ri lic e aj rak'ul? E tak ri caquibi'ij: «Ri Jesús na e ta Rucha'o'n lo ri Dios.» Ec'u tak ri caquibi'ij wa', na xew ta eyactajinak chirij Ruc'ajol ri Dios, ma jenela' eyactajinak chirij ri Kakaw Dios.

E junok cubi'ij: «Ri Jesús na e ta Uc'ajol ri Dios,» ri' na jinta ri Kakaw Dios ruc'. No'j ri cuk'alajisaj: «Ri Jesús e Uc'ajol ri Dios,» ri' c'o ri Kakaw Dios ruc'.