Popular Bible Verses from 1 Juan 3

Share

Alak walc'o'al chupa rubi' ri Dios, na xa ta cakabi'ij ruc' uwa ke' c'ax cakana' kib, ma ri lic chirajawaxic wi e cak'alajin ri rutzil kac'u'x ruc' tak ri utz caka'ano.

Ri'oj kamajom usuc' sa' ri sakil rutzil c'u'xaj, ma ri Jesús xuc'ut wa' chike echiri' xuya rib pa camic kuma ri'oj. Jec'uri'la', ri'oj chirajawaxic wi cakaya kanima' che quito'ic ri ka hermanos tob ne ruma wa' cojcamisaxic.

Ch'obo pe alak puwi ri sakil rutzil uc'u'x ri Kakaw Dios, ma lic c'ax cojuna'o y uya'om ri cabi'x chike oj ralc'o'al Rire. E uwari'che ri winak e c'o che ruwachulew, ri c'amaja' caquicoj rubi' ri Jesús, na queta'am taj oj china ri'oj chwach ri Dios, ma rique na queta'am ta uwach Rire.

E junok c'a c'o pa mac, ri' re ritzel winak, ma ritzel winak lic rewi aj mac chwi xjeki' lo ruwachulew. Ruma ne c'u wa' xc'un Ruc'ajol ri Dios cha' colu'sacha uwach janipa ri u'anom ritzel winak.

Yey ri u'anom chi ralc'o'al ri Dios, na cuya ta rib che u'anic ri mac, ma ri Dios uya'om chi jun c'ac' c'aslemal che. Ruma c'u ri', na utz taj c'a cac'oji' pa ri mac, ma u'anom chi ralc'o'al ri Dios.

Yey we c'o junok lic c'o ubitak re y carilo c'o cajawax che ri ratz-uchak', pero na cajuch' ca'n ta pa ranima', ¿c'o neba rutzil uc'u'x ri Dios ri' pa ranima'? Na jintaj.

E junok catajin che u'anic ri cubi'ij Rutzij Upixab ri Dios, ri' puk'ab ri Dios c'owi y ri Dios jekel pa ranima'. Ruma c'u ri Ruxlabixel uya'om ri Dios chike, lic keta'am Rire jekel pa kanima'.

Ruc' c'u ri' wa', cak'alajinic china tak ri e ralc'o'al ri Dios yey cak'alajinic e china tak ri e ralc'o'al ritzel winak. Ma e junok na cu'an ta ri jusuc' yey na c'ax tane cuna' ri ratz-uchak', ri' na ralc'o'al ta ri Dios.

E tzij wa' xex chi tom wi lo alak: C'ax kana'a kib chinima konoje.

Alak nu hermanos, macam anima' alak che we ri na queta'am ta uwach ri Dios tzel caquil alak.