Popular Bible Verses from 1 Juan 1

Share

No'j we cakak'alajisaj ri kamac chwach ri Dios, Rire cucuy kamac y cojuch'aj che ronoje ri na utz taj c'o pa kanima', ma Rire lic jusuc' y ujiquibam uwach cu'an wa' yey Rire na cu'an ta rak'ubal.

No'j we cojbin chupa ri K'ijsak jela' pacha' ri Dios c'o pa ri K'ijsak, ri' xa jun ka'anom chikawach. Yey ronoje ri kamac cach'ajtaj c'u ri' ruma ruquiq'uel ri Kanimajawal Jesucristo, Ruc'ajol ri Dios.

Pero we cakabi'ij na jinta kamac, ri' xa e cakasoc kib chikibil kib y na katzij ta ri cakabi'ij.

Ec'u wa tzij katom che ri Kanimajawal Jesucristo e cakak'alajisaj che alak: Ri Dios e K'ijsak yey ruc' Rire na jinta c'ana k'eku'malil. We cakabi'ij xa jun ka'anom ruc' ri Dios yey cojbin chupa ri k'eku'malil, ri' cojelic xa oj aj rak'ul y na cojbin ta c'u chupa ri K'ijsak.

We cakabi'ij na oj ta macuninak, ri' e pacha' caka'an aj rak'ul che ri Dios, ma cakabi'ij na katzij ta ri ubi'im can Rire.