Popular Bible Verses from NAI VAKATAKILA I JONI 8

Share

Ia ni sa cecega oti ko koya nai kavitu ni drega, sa vakanomodi ko lomalagi ka oti e dua na afanaua.

O KOYA na kenai matai sa uvuca, ka sa qai muri mai na uca-cevata sa veiwaki vata kei na bukawaqa kei na dra, a sa biu ki vuravura: a sa vakamai kina nai katolu ni wase kei vuravura, kei nai katolu ni wase ni kau, a sa vakamai kecega na co drokadroka.

Ia ka'u a raica, ka rogoca e dua na ikeli sa vuka e na maliwa kei lomalagi, a sa kaya e na domo levu, E ca, e ca, e ca, vei ira sa tiko e vuravura, e na vuku ni domo ni nodratou davui na agilose e le tolu, o koya sa bera ni uvu!

SA qai uvuca nai karua ni agilose, a sa vaka e dua na ulu-ni-vanua levu sa caudre tu e na bukawaqa; sa biu ki na wasawasa a sa vuki kina me dra nai katolu ni wase ni wasawasa

SA qai uvuca nai katolu ni agilose, a sa dua na kalokalo levu sa lutu mai lomalagi, a sa caudre me vaka na cina, a sa lutu ki nai katolu ni wase ni veiuciwai, kei na veivurevure-ni-wai; ia na yaca ni kalokalo ko Gagaduvaduva; a sa gaga kina nai ka tolu ni wase ni wai; a sa le vuqa kina na tamata sa mate e na wai ni ra sa vakagagataki.

A SA uvuca nai kava ni agilose, a sa yaviti kina nai katolu ni tiki ni mata-ni-siga, kei nai katolu ni tiki ni vula, kei nai katolu ni wase ni veikalokalo: ia nai katolu ni kena wase vei ira sa vakabutobutotaki a sa sega talega ni rarama nai katolu ni wase ni siga, ka sa vaka talega kina na bogi.