Popular Bible Verses from NAI VAKATAKILA I JONI 7

Share

Sa oti oqo ka'u sa vakaraica, ka raica, sa dua nai soqosoqo levu sara, e sega e dua na tamata e wilika rawa, mai na veivanua kece, kei na veimataqali, kei na veimatanitu, kei na duivosavosa, era sa tu e na mata ni tikotiko-vakaturaga, kei na mata ni Lami, era vakaisulu e nai sulu vulavula, ka taura nai viu e na ligadra

a ra sa kaci e na domo levu, ka kaya, A vu ni bula na noda Kalou, o koya sa tiko e nai tikotiko-vakaturaga, vua na Lami talega.

Ni na vakani ira na Lami sa tiko e na loma ni tikotiko-vakaturaga, ka na tuberi ira ki nai vurevure ni wai bula: ia ena tavoya kecega na Kalou na wai ni mata mai na matadra.

O koya era sa tiko kina e na mata ni tikotiko ni Kalou, a ra sa qaravi koya e na siga kei na bogi e nona vale-ni-lotu; ia ena tiko vata kei ira ko koya sa tiko e nai tikotiko-vakaturaga. Era na sega tale ni viakana, se viagunu tale; ena sega ni kati ira na siga, se dua tani na katakata.

ka kaya, Tei kakua mada ni vakacacani vuravura, se na wasawasa, se na kau, ka malua me keitou vola mada na yadredra na tamata ni noda Kalou. Au a rogoca na kedrai wiliwili era sa volai: sa le dua na drau ka vasagavulu ka va talega na udolu, sa volai vei ira kecega na nodra veiyavusa na luve i Isireli.