Popular Bible Verses from NAI VAKATAKILA I JONI 9

Share

Ia ko ira na tamata sa vo era sa sega ni vakamatei e na mate ca oqo, era sa sega ni veivutunitaka na cakacaka ni ligadra, me ra kua ni vakarokoroko ki na tevoro eso, kei na matakau koula, kei na siliva, kei na parasa, kei na vatu, kei na kau: oqori sa sega ni rai rawa, se rogo rawa, se lako voli: era sa sega talega ni veivutunitaka na nodra daulaba, se na nodra cakacaka vakatevoro, se na nodra dauyalewa, se na nodra daubutako.

A sa lako tani mai na kubou na vodre me tiko e vuravura: a sa soli vei ira na kaukauwa, me vaka na nodra kaukauwa na batibasaga kei vuravura. A sa vakaroti vei ira me ra kakua ni vakacacana na co e vuravura, se dua na ka karakarawa, se dua na kau; ko ira ga na tamata sa sega ni volai e na yadredra nai vakatakilakila ni Kalou.

A sa uvuca nai kalima ni agilose, ia ka'u a raica e dua na kalokalo sa lutu mai lomalagi ki vuravura: a sa soli vua nai dola kei bulubulu e sega ni vakabotona.

A sa soli vei ira me ra kakua ni vakamatei ira, ka me ra vakararawataki ira ga ka vula lima: ia na nodra rarawa e vaka na rarawa ni sa katia na tamata na batibasaga.

Ia sa dua na nodra tui, na agilose ni bulubulu e sega ni vakabotona, a yacana e na vosa vaka-Iperiu ko Apatoni, ia na yacana e na vosa va-Kirisi ko Apolioni.