Popular Bible Verses from NA VOSA VAKAIBALEBALE 2

Share

Ni sa solia na vuku ko Jiova: Sa lako mai na gusuna na kila ka kei na yalomatua

Na luvequ, kevaka ko na vakabauta na noqu vosa, Ka vunia na noqu vunau me nomu; Mo vakatu daligamu kina ki na vuku, Ka vagolea sara na lomamu ki na yalomatua; Io, kevaka ko tagica na lomavuku, Ka tabalaka na domomu mo kila ka; Kevaka ko qara me vaka ko sa qara na siliva, Ka vakasaqara me vaka sai yau vuni; Ko na qai kila na rerevaki Jiova, Ka kunea na Kalou mo kilai koya.

Sa binia na vuku dina me nodra na yalododonu: Ai sasabai ko koya vei ira era sa lako vakadodonu; Sa vakatawa ko koya na nodra i lakolako na caka dodonu, Sa maroroya na nodra sala na yalosavasava

Ni ra na tiko ga e na vanua na yalododonu, Ka ra na tiko dei kina na yalodina. Ia ko ira na tamata ca era na muduki tani e vuravura, Kei ira na dautalaidredre era na cavu laivi maikina.

Me vakabulai iko mai na yalewa dua tani, Io mai vua na kai tani sa vosaveicavilaki: Ko koya sa biuti koya ka dautubera voli ni sa goneyalewa, A sa guilecava na nona veiyalayalati kaya na nona Kalou.