NA VOSA VAKAIBALEBALE 2
2
Sa yalataka na lotu dina ko Vuku vei ira na luvena, 1-9, kei na tiko vinaka, kei na lako vakadodonu, ni sa tawase tani mai na ka ca, 10-22.
1Na luvequ, kevaka ko na vakabauta na noqu vosa,
Ka vunia na noqu vunau me nomu;
2Mo vakatu daligamu kina ki na vuku,
Ka vagolea sara na lomamu ki na yalomatua;
3Io, kevaka ko tagica na lomavuku,
Ka tabalaka na domomu mo kila ka;
4Kevaka ko qara me vaka ko sa qara na siliva,
Ka vakasaqara me vaka sai yau vuni;
5Ko na qai kila na rerevaki Jiova,
Ka kunea na Kalou mo kilai koya.
6Ni sa solia na vuku ko Jiova:
Sa lako mai na gusuna na kila ka kei na yalomatua:
7Sa binia na vuku dina me nodra na yalododonu:
Ai sasabai ko koya vei ira era sa lako vakadodonu;
8Sa vakatawa ko koya na nodra i lakolako na caka dodonu,
Sa maroroya na nodra sala na yalosavasava:
9Ko na qai kila nai valavala dodonu, kei na lewa,
Kei na cakacaka dodonu; io, na sala vinaka kecega.
10Ni na qai curuma na lomamu na vuku,
Ka sa kamikamica mai ki na yalomu na daukila ka;
11Ena qai maroroi iko na lomavuku,
Ka vakatawai iko na yalomatua:
12Me vakabulai iko mai na sala ni tamata ca,
Mai na tamata sa vosataka na ka veve:
13Ko ira era sa biuta na sala dodonu,
Me ra muria na sala butobuto;
14Era reki ni ra kitaka na ka ca,
Ka marautaka nai valavala veve ni tamata ca;
15Sa tatakelokelo na nodra sala,
A ra sa vakavevetaka na nodra i lakolako:
16Me vakabulai iko mai na yalewa dua tani,
Io mai vua na kai tani sa vosaveicavilaki:
17Ko koya sa biuti koya ka dautubera voli ni sa goneyalewa,
A sa guilecava na nona veiyalayalati kaya na nona Kalou.
18Ni sa qara ki na mate na nona vale,
Kei na nonai lakolako ki nai bulubulu.
19Sa sega e dua sa lako vua me tale mai,
Se butuka tale na sala ni bula.
20Mo muria na nodra sala na tamata vinaka,
Ka vakabauta na nodra sala na yalododonu.
21Ni ra na tiko ga e na vanua na yalododonu,
Ka ra na tiko dei kina na yalodina.
22Ia ko ira na tamata ca era na muduki tani e vuravura,
Kei ira na dautalaidredre era na cavu laivi maikina.
Currently Selected:
NA VOSA VAKAIBALEBALE 2: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific