Popular Bible Verses from NA VOSA VAKAIBALEBALE 3

Mo vakararavi vei Jiova e na vu ni yalomu: Ka mo kakua ni vakararavi ki na nomu yalomatua: Mo vakarogotaka vua na nomu sala kecega, Ia ena vakadodonutaka na nomu i lakolako ko koya.

Mo kakua ni nanuma ni ko sa vuku: Mo rerevaki Jiova, ka lako tani mai na ca

Mo dokai Jiova e na nomu i yau, Kei nai sevu ni nomu vuata kecega: Ena qai tawa sara kina na nomu lololo, Ka vuabale na nomu i keli-ni-waini e na waini vou.

Me kakua ni takali vei iko na yalololoma kei na dina: Mo vakaitaube mada kina; Mo vola sara ki na lomamu

Na luvequ, mo kakua ni beca ni sa vakavulici iko ko Jiova; Se yalowai ni sa vunauci iko ko koya: Ni sai koya sa lomana ko Jiova, sa vunauca ko koya; Me vaka sa ia na tamata vua na luvena sa vinakata ko koya.

Na luvequ, mo kakua ni guilecava na noqu vunau; Ia me muria tiko na noqu i vakaro na lomamu: Ni na vakaikuritaki kina vei iko na siga e vuqa, Kei na bula dede, kei na sautu.

Sa kalougata na tamata sa kunea na vuku, Kei na tamata sa rawata na yalomatua: Ni sa vinaka na dauveivoli kina ka ca na dauveivoli e na siliva, A kena tubu talega sa vinaka ka ca na kena tubu na koula dina. Sai yau levu ko koya, ka sai yau lailai na rupi: Ia na ka kecega ko sa domona sa sega ni yaga me vakatauvatani kaya

Mo kakua ni bureitaka na ka vinaka vei ira e dodonu me nodra, Ni sa rawa vei iko mo cakava

Sa tauyavutaki vuravura ko Jiova e na nona vuku; Ka sa vakarautaki lomalagi e na nona lewa