Popular Bible Verses from NA VOSA VAKAIBALEBALE 1

Share

Na rerevaki Jiova sa vu ni lomavuku: Ia ko ira na lialia era sa cata na vuku kei nai vakavuvuli. Na luvequ, mo vakarorogo ki nai vakavuvuli i tamamu, Ka mo kakua ni biuta na vunau i tinamu

Sa nodra lesu tani na yalowai era na mate kina, Kei na nodra sautu na lialia era na rusa kina. Ia ko koya sa vakarorogo vei au ena tiko vinaka, Ka na vakacegu ka sega ni rerevaka e dua na ka ca.

Ena vakarorogo na lomavuku, ka na tubu cake kina na nona vuku; Ia na tamata daukila ka, ena rawata nai vakavuvuli vuku

Na luvequ, kevaka sa temaki iko ko ira na tamata ca, Mo bese ga.

A vosa vakaibalebale i Solomoni na luve i Tevita, na tui Isireli; Me kilai kina na vuku kei nai vakavuvuli; Me kune kina na vosa vakayalomatua; Me rawa kina nai vakavuvuli ni vuku, Kei na yalododonu, kei na lewa, kei na cakacaka dodonu; Me soli kina na yalomatua vei ira na yalowai, Na kila ka kei na lomavuku vua na cauravou.

Era na qai kaci mai vei au, ia ka'u na sega ni rogo yani; Era na qarai au vagumatua, a ra na sega ni kunei au: Ni ra a cata na vuku, Ka sega ni digitaka me ra rerevaki Jiova