Popular Bible Verses from AISEA 40

Share

Sa dausolia na kaukauwa vei ira era sa malumalumu: ia ena vakalevutaka na kaukauwa vei ira era sa sega ni gumatua rawa.

Io era na malumalumu ka oca ga na cauravou, a ra na bale sara na tamata bula: ia ko ira era sa waraki Jiova era na vakaukauwataki tale; era na cabe cake me vaka era vakatabana vakaikeli; era na cici ka sega ni oca, era na lako tu, ka sega ni malumalumu.

Ko sa sega beka ni kila? ko sa sega ni rogoca? ko koya sa Kalou ka tawa mudu, ko Jiova, ko koya ka bulia nai yalayala kei vuravura; ena sega ni malumalumu ko koya, ena sega ni oca; sa sega ni dikevi rawa na nona vuku.

Sa rogo na domo ni dua sa kacikaci e loma ni veico, Dou caramaka na sala i Jiova, cakava me dodonu e loma ni vanua na salatu ni noda Kalou

Sa daumalai na co, a sa daumira na sena, ia na vosa ni noda Kalou ena tu dei ka tawa mudu.

ena qai vakarairaitaki mai nai ukuuku i Jiova, ka ra na raica vata na tamata kecega: ni sa cavuta na gusu i Jiova.

Ena vakaceceretaki na buca kecega, ka na vakalolovirataki na ulu-ni-vanua kei na vanua cecere kecega; na tikina sa veve ena vakadodonutaki, kei na tikina sukusukura ena vakalogalogavinakataki

ena vakani ira na nona qele ni sipi me vaka nai vakatawa; ena keveti ira na luve ni sipi e na ligana, ka kauti ira voli e na lomaserena; ko ira era vakasucuma tiko na luvedra ena tubera voli vakamalua ko koya.

Dou ta cake, ka rai yani; ko cei ka bulia na ka oqori? ka sa kauta vakamataivalu mai na kedrai vavakoso? sa kacivi ira kecega e na yacadra, ka ni sa levu na nona kaukauwa, ka sa daugumatua sara; sa sega e dua sa yali.

Sai koya ga sa tiko maicake ka toka era ko vuravura, ia na lewena era sa vaka na vodre; sai koya ga sa tevuka, me vaka nai ubi levu, na mata-ni-lagi; ka birika, me vaka na vale laca, mei tikotiko

Dou vosataka na vosa ni veivakacegui ki Jerusalemi, ka tukuna vua, ni sa oti na nona gauna ni oca, ni sa bokoci na nona caka cala; ni sa cudruvi ko koya e na liga i Jiova me rauta vakarua na nonai valavala ca kecega.

Sa vosa mai e dua ka vaka, Mo kaci mada! A sa kaya ko koya, A cava me'u sa kacivaka? Sa co ga na tamata kece, ka sa vaka na se ni co na kedrai ukuuku kecega: sa daumalai na co, a sa daumira na sena, ni sa uvuca nai cegu i Jiova: e dina era sa co ga na tamata.

Raica, ena lako vakaukauwa mai na Turaga ko Jiova, ia na ligana ena lewa e na vukuna: raica, na kenai sau ena solia sa tiko ga vua, kei na ka ni nona cakacaka e matana

Dou vakacegui ira, dou vakacegui ira na noqu tamata, sa kaya na nomudou Kalou.

O cei sa vakarauta na wai e na qeteqete ni ligana, ka vakarauta na lomalagi e nai qaqalo ni ligana, ka kumuna vata e nai vakarau na qele kei vuravura, ka vakarauta e nai vakarau ni bibi na veiulu-ni-vanua, kei na veiulu-ni-koro e nai vakatovotovo? Ko cei sa kila rawa na Yalo i Jiova, se ko cei me nonai vakavuvuli me vakavulici koya? Erau sa bose vata kei cei, se ko cei sa vakavukui koya, ka vakavulici koya e nai valavala ni lewa, ka vakavulici koya me vuku; ia ko cei sa vakatakila vua na sala ni vuku?