Popular Bible Verses from AISEA 41

Share

kakua ni ko rere; ni'u sa tiko vata kei iko: kakua ni ko taqaya; ni'u sa nomu Kalou: ka'u na vakaukauwataki iko; io, ka'u na vukei iko; io, ka'u na tokoni iko e na ligaqu i matau sa daudina.

ni sai au ko Jiova na nomu Kalou, ka'u na taura na ligamu i matau, ka kaya vei iko, Mo kakua ni rere; ka'u na vukei iko

Raica, era na madua ka taqaya ko ira kecega era sa yaloca vei iko; era na vaka na ka wale; era na rusa ga ko ira era veileti kei iko

ko iko ka'u a kauta mai nai yalayala kei vuravura, ka kaciva mai na saukana, ka sa kaya vei iko, Sai iko na noqu tamata; ka'u a digitaki iko, ka sega ni biuti iko

Ko na qarai ira, ka sega ni kunei ira, era dauveicudruvi kei iko: ko ira era veivala kei iko era na vaka na ka wale, kei na ka sa sega

kakua ni ko rere, Jekope na baca, kei kemudou na Isireli; ka'u na vukei iko, sa kaya ko Jiova, kei na nomu i Vakabula, na Yalosavasava ni Isireli.

Ia ko iko, Isireli, na noqu tamata; ko iko Jekope ka'u sa digitaka, na kawa i Eparaama na wekaqu

ka'u na vakadavea na uciwai e na vanua talasiga, kei na mata-ni-wai e na veibuca; ka'u na cakava na lekutu me drano, kei na vanua mamaca mei vurevure ni wai

Ni ra sa qara wai na malumalumu kei na dravudravua, ka sa sega; ni sa mamaca na yamedra e na viagunu; koi au ko Jiova, ka'u na rogoci ira, koi au na nodra Kalou na Isireli, ka'u na sega ni laivi ira

Ko cei sa ia ka cakava oqori, ka kaciva na veitabatamata mailiu sara? Koi au ko Jiova, nai vakatekivu, ka'u sa bula vata kei ira era sa muri sara; sai au ga oqo.

ka'u na tea e na talasiga na sitari, kei na sitimi, kei na mateli, kei na olive; ka'u na tea vata mai lekutu na nokonoko, kei na damanu, kei na dilo: me ra raica, ka kunea, ka vakananuma, ka kila vata, ni sa cakava na ka oqo na liga i Jiova, ka sa vakatubura ko Koya na Yalosavasava ni Isireli.