Popular Bible Verses from IPERIU 13

Share

Mo dou kakua ni daukocova nai lavo: ia dou lomavinaka e na ka sa tu vei kemudou: ni sa kaya ko koya, Au na sega sara ni biuti iko, se vakalaivi iko.

Sai koyakoya tikoga ko Jisu Karisito, e na siga sa oti, kei na siga edaidai, kei na veisiga emuri.

E na vuku ni ka oqo eda sa doudou kina me kaya, A noqu i vukevuke ko Jiova, ia ka'u na sega ni rere A cava na ka ena kitaka vei au na tamata?

Kakua talega ni guilecava na caka vinaka kei na dausoli ka: ni sa vinakata sara na Kalou nai madrali vakaoqo.

Ia ko koya oqo me da qai vakacabora tikoga nai madrali ni vakavinavinaka vua na Kalou e na vukuna, oqori na vua ni tebenigusuda, ni da tusanaka na yacana.

Sa kilikili kei ira na tamata kece na vakawati, kei nai mocemoce e sega ni veibutakoci: ia ko ira na daudara kei ira na dauyalewa ena lewai ira na Kalou.

Kakua ni guilecava na vakani ira na vulagi: ni sa so era a vakania na agilose eso ka lecava ga.

Ia na Kalou ni veivakacegui, o koya ka kauta tale mai na mate na noda Turaga ko Jisu, na nodra i Vakatawa levu na sipi, e na vuku ni dra sa ia kina na veiyalayalati tawa mudu, me vakavinakataki kemudou mada ko koya e nai valavala vinaka kecega mo dou cakava na nona lewa, ka me cakava ko koya e na lomada na ka sa vinaka vua, e na vuku i Jisu Karisito; me ia vei koya na vakarokoroko ka sega ni mudu. Emeni.