Popular Bible Verses from JEMESA 1

Share

Oi kemudou na wekaqu, dou nanuma me ka ni reki sara, ni dou sa lutu ki na ka e vuqa sa dauveivakatovolei; ni dou sa kila sa vakatubura na dauvosota na vakatovolei ni nomudou vakabauta.

Ia kevaka sa lailai na vuku vua e dua vei kemudou, me kerea vua na Kalou, o koya sa solia vakalevu kivei ira kecega na tamata, a sa sega ni dauveivakadirideini; ka na soli ga vua.

O koya oqo, oi kemudou na wekaqu lomani, mo dou kusarawa yadua me vakarorogo, mo dou berabera ga ni vosa, mo dou berabera ni cudru

Ia me tini vinaka na cakacaka ni dauvosota, mo dou vinaka taucoko sara kina, me kakua na ka e yali.

Ia dou muria na vosa ka kakua ni rogoca walega, ka vakaisini kemudou kina vakai kemudou.

Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.

Sa lako maicake nai solisoli vinaka kecega kei nai solisoli kecega e yaga sara, a sa lako sobu mai vua na Tama ni rarama, a sa sega vua na veivukiyaki, se yaloyalo ni veigoleyaki.

Ia kevaka e dua sa rogoca walega na vosa, ka sega ni muria, sa tautauvata kei na tamata sa laki ilova na mata ni yagona e nai iloilo: ni sa laki ilovi koya, a sa qai lako tani yani, a sa guilecava vakasauri se sa vakaevei nai valavala ni yagona.

Na lotu savasava ka sega ni cala e mata ni Kalou ko Tamada sa vakaoqo, Me sa dauraici ira na luveniyali kei ira na yada, ni ra sa rarawa, me sa qarauni koya talega me kakua ni tauvi koya na duka ni ka vakavuravura.

Ni sa dauveretaki e dua, me kakua ni kaya, Sa dauveretaki au na Kalou: ni sa sega ni dauveretaki rawa na Kalou ki na ka ca, a sa sega ni dauveretaka e dua na tamata ko koya: ia sa dauveretaki na tamata yadua, ni sa vecei koya na nona garogaro ca ka bacani koya.

Ia me reki na tamata dravudravua e na nona laveti cake