Popular Bible Verses from NA DAUVUNAU 3

Share

Sa dui vagauna na ka kecega, ka sa dui vakasiga na ka kece sa caka e ruku i lomalagi

Sa dua na siga me sucu kina, kei na siga me mate kina; na siga me ia kina na teitei, kei na siga me cavuta kina na ka sa tei: Na siga me ia kina na veivakamatei, kei na siga me ia kina na veivakabulai; na siga me ia kina na basu vale, kei na siga me ia kina na tara vale

na siga ni tagi, kei na siga ni dredre; na siga me ia kina na tagi yaso, kei na siga me ia kina na meke; na siga me tala vatu kina, kei na siga me bini vatu kina; na siga me ia kina na veimokoti, kei na siga me kua kina ni veimokoti

Na siga me ia kina na dresuka, kei na siga me ia kina na culacula; na siga me tiko lo kina, kei na siga me vosa kina; Na siga me veilomani kina, kei na siga me veicati kina; na siga ni valu, kei na siga ni sautu.

na siga me rawa kina nai yau, kei na siga me yali kina nai yau; na siga me maninitaka na ka, kei na siga me dausoli kina na ka

Au sa kila, na ka kece sa cakava na Kalou, ena tu ga ka sega ni mudu: ena sega na ka me vakaikuritaki kina, ka sega na ka me kau tani maikina: ia sa cakava oqo na Kalou, me ra rere tiko vua ko ira na tamata.

Au a kaya e lomaqu, Na Kalou ena lewai ira na yalododonu kei na tamata ca: ni sa dua maikea na kena gauna ni vakanananu ki nai naki kece kei na cakacaka kecega.