Popular Bible Verses from NA DAUVUNAU 2

Share

Ni sa dausolia na Kalou vua na tamata sa vinaka vua na vuku, kei na yalomatua, kei na marau: ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.

Sa sega tale na ka e vinaka vua na tamata, ka me kana ga ka gunu, ka vakaceguya na yalona e na kena vinaka ni nona cakacaka. Oqo tale ka'u a kunea, ni sa ka mai vua na Kalou. Ia ko cei tale me kana, se ko cei tale me uasivi vei au e na marautaka na ka?

Au a qai vakaraica na cakacaka kecega ka sa cakava na ligaqu, kei na ogaoga ka'u a vakaogai au kina: ka raica, sa ka wale kecega ka sa ka ni oca wale, ka sega na kena yaga e ruku ni mata-ni-siga.

Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega: ia oqo ga na noqu i votavota mai na noqu cakacaka kecega.

Au a qai kunea ni sa sivia na lialia na vuku, me vaka sa sivia na butobuto na rarama.

A matana na tamata vuku sa toka e na uluna; ia ko koya na lialia sa lako voli vakabutobuto: ia ka'u sa qai kunea ni sa dua vata ga na ka sa yacovi ira kecega.

Ni sa dua na tamata sa daucakacaka vakavuku, ka vakayalomatua, ka dodonu; ia ena laiva ga me nonai votavota na tamata sa sega ni oca kina. Oqo talega na ka wale ka ca sara ga.