Popular Bible Verses from NA DAUVUNAU 4

Share

Sa vinaka ni lewe rua ka ca ni le dua bauga; ni rau sa rawata nai voli vinaka ni nodrau cakacaka. Kevaka sa bale e dua, ena tubera cake na kenai sa: ia ena ca vua sa tiko duadua ni sa bale; ni sa sega e dua tale me tuberi koya cake.

Ia kevaka e dua na tamata sa gumatua vua e dua tani, ke rau sa lewe rua erau na vorata rawa; ia na dali e turai-tolu ena sega ni cavuka rawarawa.

Oqo talega, kevaka sa koto vata e lewe rua, erau na katakata: ia ke le dua ga, ena katakata vakaevei ko koya?

Sa vinaka ni tawa tu e dua bau na liga ni sa tu vata kei na vakacegu, ka ca ni sa tawa tu na liga ruarua ka tu vata kei na oca kei na yalorarawa.

Au a nanuma tale na oca kecega, kei na cakacaka dodonu kecega; ni sai koya oqo sa vuvutaki kina e dua na tamata maivua na kai nona. Oqo talega na ka wale ka sa ka ni oca wale ki na yalo.

Sa vinaka na cauravou sa dravudravua ka vuku, ka ca na tui sa qase ka yalolialia, ka sa bese ni vunauci tale