Popular Bible Verses from Rooma 13

Share

Wa fi badal al-zunuub dool, arbutu sulubku wa khuttu fi uguulku intu khaddaamiin le Rabbina Isa al-Masiih. Wa aabo ma tichtakhulu be chahwaat al-insaan.

Ma tikhallu al-deen yagood foogku. Deen waahid bas gaaʼid foogku wa hu al-mahabba ambeenaatku. Wa l-naadum al-yihibb akhuuh, hu tabbag churuut al-Tawraat khalaas.

Khalli ayyi naadum yasmaʼ kalaam al-hakuuma achaan ma fi hakuuma illa be izin Allah wa ayyi hakuuma al-gaaʼide, Allah assasaaha.

Al-leel gariib yikammil wa l-nahaar jaayi gariib. Khalaas, waajib nikhallu minnina kulla fiʼil al-dalaam wa nijahhuzu nufuusna achaan niʼiichu fi l-nuur.

Al-naadum al-yihibb akhuuh abadan ma yisawwi leyah cheyy fasil. Wa be misil da, al-naadum al-yihibb al-naas yitabbig churuut al-Tawraat be sahiih.

Antu ayyi naadum al-cheyy al-waajib leyah. Wa l-naadum al-waajib leyah tikaffu al-miiri, kaffuuh leyah. Wa l-naadum al-waajib leyah tikaffu jamaarik, kaffuuh leyah. Wa l-naadum al-waajib leyah ihtiraam, ahtarumuuh. Wa l-naadum al-waajib leyah al-ikraam, karrumuuh.